Ti podes ser o próximo expropiado

(Foto: Anosacosta)

Falar de sorpresa é pouco. Xusto cando máis enconados estaban os ánimos e máis tensa estaba a corda entre o goberno local e a Plataforma da Lagoa, de pronto semella que temos fumata blanca, ¿ou non?

Nunha nota de prensa, a asociación dos veciños afectados polo Plan da nacionalista Consellería de Vivenda manifesta que cesa nas súas reivindicacións porque o alcalde de Carballo, Evencio Ferrero, ven de aceptar que os propietarios desenvolvan o seu ámbito se presentan o compromiso de que cando menos os donos do 51% do terreo así o farán. Este acordo aínda non está por escrito e convócase os membros da plataforma ó Pazo da Cultura este luns ás 20:00 h para precisar as condicións. Para rematar o comunicado, Ramón Varela Puñal, voceiro da protesta veciñal, reparte flores e agradecementos a todos os partidos e medios, de igual modo que manifesta o seu desexo de quedar agora fóra do debate público.

Unha vez repostos do "shock", hai unha longa lista de preguntas que quedan no aire: qué había de certo nas graves acusacións de favoritismo que lanzarou a Plataforma, como é posible un cambio tan radical de postura, de discurso e de formas en cuestión de horas, e cómo se explica que a plataforma acepte repentinamente unha proposta que non está por escrito (cando antes sempre reclamara ese formato), e que se ofrece en plena campaña electoral a dous días de que Anxo Quintana visite a localidade para dar o mitin do BNG. Está todo o mundo a xogar coas cartas boca arriba, ou trátase dun xogo de faroles, coma nas boas partidas de póker?

Pero sobre todo unha nova ameaza queda no aire, porque a proposta de Ferrero non consiste en renunciar o Plan de Vivenda, senón en cambiar o ámbito afectado, da Lagoa a outro lugar de Carballo que aínda está por definir. É dicir, que a Plataforma estaba no certo cando advertía "Ti podes ser o proximo expropiado": rífase unha expropiacion e todos os carballeses temos unha papeleta. ¿Qué apostan a que o resultado non sairá antes das eleccións?

Seguir lendo...

BNG + PSOE = favoritismo + amiguismo

A Plataforma da Lagoa, indignada coas manifestacións de Evencio Ferrero (que calificou de "insidias" as afirmacións de favoritismo lanzadas días atrás polos afectados), acusa directamente ó goberno local de "favoritismo e amiguismo" por deixar fóra do ámbito do Plan Sectorial da Lagoa a destacados miliantes do BNG e do PSOE de Carballo. Este é o comunicado da Plataforma:

"O Sr. Alcalde de Carballo cualificou de insidias unha simple petición de aclaración, intentando desprestixiar e botar lixo sobre a Plataforma da Lagoa. A petición referíase a que deberían deixar claro, tanto el como o Sr. Viña, cales son as razóns da exclusión do Plano Sectorial de determinados militantes dos partidos políticos que apoian ao Goberno. Pois ben, a Plataforma está en condicións de demostrar ante os veciños de Carballo que estes feitos se corresponden totalmente coa realidade e que o Sr. Alcalde está faltando á verdade. Agora xa non se lle pide aclaración senón que se lle acusa tanto a el como ao Sr. Viña de favoritismo e amiguismo. Os favorecidos pola exclusión son militantes do BNG e do PSOE, que foron beneficiados descaradamente polo Goberno municipal de Carballo porque foron excluídos do Plano Sectorial e os seus terrenos foron incorporados aos Polígonos 9, 10 e 43, lindantes polo vento sur co Polígono 7, trazando a este efecto un requebro raro que todo o mundo pode constatar no Plano Sectorial. A razón da exclusión foi debida, segundo o Concelleiro de Urbanismo, Sr. Viña, a que estaban continuamente a dirixir escritos ao Concello e parece que foi pura casualidade o feito de tratarse de militantes do partido. Mais nós tamén estamos a dirixir escritos e non nos fan caso ningún.

A Plataforma da Lagoa considera esta exclusión de totalmente impresentábel e improcedente, tanto desde o punto de vista político, como desde o punto de vista ético e estético, e considera que, en todo caso, deben entrar todos ou ningún. Non se pode proceder por amiguismo e intentar vender un produto podrido aos non amigos e acusalos, se non o aceptan polas boas, de especuladores, insolidarios, egoístas, e, por acima, utilizar acólitos para que sementen lixo para desarmar aos propietarios que foron seleccionados para ser expropiados, como se pode constatar claramente polo que se está a publicar nos medios de comunicación."

Despois deste comunicado, a Plataforma enviounos outro no que matiza que "a xustificación da exclusión do Plano Sectorial a notorios militantes do BNG e PSOE foron feitas por Don José Antonio Viña a destacados dirixentes da Plataforma da Lagoa".

Seguir lendo...

Acusan ós promotores do Plan de Vivenda de favorecer a destacados dirixentes do BNG

O Plan Sectorial da Lagoa sigue traendo cola. Hoxe enterámonos no blog da Plataforma de que, na intervención-discusión co alcalde posterior ó Pleno municipal que se celebrou o pasado luns, o Presidente da Plataforma e outros afectados acusaron ós promotores do Plan Sectorial (Xunta e Concello de Carballo) de favoritismo “por deixar fóra a destacados dirixentes do BNG”. Como era de esperar, tanto Evencio Ferrero coma Viña deron a entender que non sabían de que lles estaban a falar (imaxe mental: Evencio e Viña asubiando e mirando para outro lado).

Se esto é certo, demostraría varias cousas: 1) Que o Plan non debe ser tan bo, cando o BNG non o quere para os seus dirixentes. 2) Que a pretendida transparencia de que presume o alcalde é unha cortina de fume. Neste caso, como na concesión dos eólicos ou nas oposicións das galescolas, unha cousa é o que predica o BNG e outra moi distinta é o que fai. Én fin, o de case sempre: o que ten o rotulador traza a raia por onde máis lle convén (ou por onde menos perxudica según a quen).

Seguir lendo...

¿Divisións na Plataforma da Lagoa?

A Plataforma da Lagoa ven de emitir un comunicado no que acusa ós membros do goberno bipartito de adoptar unha estratexia que ten por finalidade “dividir e debilitar a Plataforma da Lagoa”, a través de dúas vías: 1) prometendo que as casas non serán derrubadas; e 2) utilizando a militantes do BNG e do PSOE para difundir rumores por bares e rúas de que van triplicar a cantidad a ofertar polos terrenos, para así contentar a algúns inxenuos e dividir a plataforma mediante a trampa e o engano. Segundo di a Plataforma, “as persoas que o fan saben claramente que están enganando aos propietarios”.

Segundo o comunicado, “os das casas xa caeron na trampa” (¿quere esto decir que estes propietarios xa se desvincularon da Plataforma?) Insisten en que “non nos interesa o diñeiro senón que non nos expropien e nos deixen desenvolver o ámbito, constituídonos en Xunta de Compensación.” A Plataforma ten claro o que pretende o bipartito: “o diñeiro é unha trampa que nos queren tender para desmobilizarnos e debilitarnos, con obxecto de ter unha campaña electoral tranquila.”

Os próximos actos da Plataforma será a asistencia ó Pleno do Concello o luns 2 de febreiro, así como unha reunión o día 5 co líder de Terra Galega, Xoán Gato, ás 20 horas no Pazo da Cultura, onde este lles explicará a súa estratexia de oposición ó Plan Sectorial de Vivenda mentres era alcalde de Narón (cargo do que dimitiu fai uns días para presentarse como candidato por Terra Galega nas próximas eleccións ó Parlamento de Galicia).

Seguir lendo...

El mayor espectáculo de Carballo

En la noche de ayer los telespectadores carballeses pudimos asistir en "primetime" a un show del que apenas unos meses no daríamos crédito, y que seguramente muchos siguen sin creer. De ser este un concello donde la actividad política y particularmente los plenos transcurrían con una placidez casi soporífera, y una longitud en ocasiones excesiva, hemos pasado al extremo contrario. Por decirlo en términos cinematográficos, hemos pasado de un tostón de Bergman a una de Bruce Willis.

Y todo eso provocado por el escándalo levantado a raíz del Plan Sectorial de Vivenda que implica la expropiación de los terrenos del Agra da Lagoa a precio de saldo. Una vez más, un buen número de los vecinos afectados asistían a la sesión plenaria este pasado lunes. Pero en esta ocasión, y vista la nula atención que han recibido de la Xunta y del Concello, decidieron pasar a la acción interviniendo en el pleno con alusiones al gobierno municipal que llegaron a su cima convirtíéndose en cánticos (ondiñas veñen, adiós con el corazón, etc.) cuando los concejales del BNG hacían uso de la palabra. La paciencia de Ferrero se agotó y todo desembocó en un desagradable enfrentamiento verbal con el representante de la plataforma, tras lo cual los vecinos abandonaron el salón de plenos, y la sesión pudo terminar con normalidad. En nuestra opinión la plataforma se equivoca con esta clase de comportamientos, pues un pleno es un acto de diálogo que debe ser respetado, pero no deja de ser cierto, como algunos igualmente recordaron, que esta clase de movilizaciones fueron ampliamente explotadas y promovidas por Evencio Ferrero y su partido en el pasado. Sea como fuere, esperemos que los vecinos encuentren un sistema más constructivo y respetuoso de defender sus justas reivindicaciones.

Sin embargo, cuando hablamos de espectáculo no nos referimos solamente a esta clase de incidentes. Como espoleados por la expectación del momento, los concejales carballeses (llegaron a intervenir un buen número de ellos) también sacaron lo mejor y lo peor de sus repertorios en sus intervenciones. Unas intervenciones en las que gracias a las cámaras de BERTV pudimos comprobar el demoledor análisis que Juan Carlos Castro hizo del presupuesto para este año (principal asunto del día), los siempre originales comentarios de Manuel Andrade, el análisis de la crisis económica mundial de Benedicto Viña, la generosidad de Ferrero renunciando a uno de las 4 intervenciones en un turno de réplica del gobierno, el centrismo de Sueiro al apoyar una propuesta de TeGa, y, sentimos decirlo, las escasas dotes de oratoria que la vida ha otorgado a algunos de nuestros representantes.

En definitiva, tenemos la desgracia de que Sofres no ofrece datos de audiencia televisiva limitados al territorio de Carballo, pero desde luego BERTV ha encontrado un auténtico filón con esta retransmisión. Frente a los plenos de la capital de Bergantiños, no hay House, ni CSI, ni película que valga.

Seguir lendo...

Constitución da Coordinadora galega de afectados polas expropiacións

Onte constituiuse en Santiago a "Coordinadora galega de afectados polo Plano Sectorial", que pretende coordinar ás diversas Plataformas de afectados polas expropiacións e á persoas físicas non pertencentes a ningunha asociación.

Os seus fins son: "a defensa dos intereses dos afectados polas actuacións que se pretenden desenvolver polo Plano Sectorial da Vivenda da Xunta de Galicia".

Estiveron representados 16 concellos, mais confíase en que varios máis se sumen nos próximos días. Os representados foron: Abegondo, Ames, Burela, Cambre, Carballo, Fene, Lugo, Marín, Narón, Neda, Nigrán, Ponteareas, Pontevedra, Ribeira, Teo, Tomiño, ...

Cada un dos concellos presentes fixo unha exposición da súa problemática, que, en termos xerais, é coincidente. En xeral, os afectados non foron informados, e informáronse moi tarde do Plano Sectorial, e, inclusive algúns fixérono o día 7 de xaneiro, cando xa vencera o prazo de alegacións, outros o día 16 e outros aínda non o saben. En termos xerais, os concellos nos que a presenza do BNG é máis determinante, non se apoia aos veciños, mentres que aqueles en que goberna o PP, TeGa ou unha coalición destas dúas forzas, si hai unha oposición ao Plano Sectorial, e, por conseguinte, apoian aos afectados. O número de vivendas a construír é excesivo en proporción ao número de vivendas do municipio e da demanda de vivenda. Tamén se considera que incidir en máis ladrillo non é unha solución á crise que provocou precisamente o ladrillo.

Nomeouse unha Xunta Directiva, que quedou constituída por representantes de Fene, Narón e Nigrán, presidida por Manuel Rodríguez Rivas, de Fene.

Para cada un dos concellos presentes elixiuse ou elixirase un vocal. En representación do Concello de Carballo, foi elixida Amparo Varela Puñal.

Os principios inspiradores da actuación da Coordinadora serán os seguintes:

a) Defender os dereitos dos veciños
b) Opoñerse ás expropiacións
c) Opoñerse ao derrubamento de vivendas
d) Exixir o respecto aos Planos Xerais de Ordenación Municipal (PXOM)
e) Esixir por parte das autoridades autonómicas o cumprimento da Constitución, que consagra o dereito á propiedade privada, e das leis que eles mesmos crearon, entre elas a lei do solo, lei de costas, etc., e que fican invalidadas polos Planos Sectoriais.
f) A Coordinadora non está en contra da vivenda protexida, mais considera que debe facerse a través do PXOM, no que hai que reservar xa o corenta por cento con esta finalidade e non recorrendo ás expropiacións.

Editaranse uns vinte mil trípticos para explicarlle a cidadanía que o Plano Sectorial vai contra os seus intereses, contra os de todos. Unha vez informados, celebraranse asembleas masivas nos concellos.

Dirixirase un escrito as seguintes autoridades: ao Presidente Touriño, ao Vicepresidente Quintana, á Conselleira de Vivenda, Á Conselleira de Política Territorial, a Feijoo, Esquerda Unida e Terra Galega, para negociar o Plano Sectorial. En caso de non recibir unha resposta afirmativa, está previsto tomar unha serie de medidas.

En caso de non recibir unha resposta positiva á oferta de diálogo, tomaranse outra serie de medidas, como poden ser:

1ª.- Encerramento nos concellos

2ª.- Cortes de estradas, etc.

Seguir lendo...

A Plataforma da Lagoa xa leva recollidas 3.700 firmas

A Plataforma da Lagoa celebrou o luns á noite unha asamblea para dar conta das actividades realizadas e das previstas para os próximos días.

Informaron da reunión co Delegado provincial da Consellería de Vivenda, que calificaron de “franca e decepcionante”, acusando ó alto cargo do BNG de que o escrito que enviou ó Concello despois da reunión invalida as súas ofertas anteriores.

Tamén deron conta das 3.700 firmas de apoio recollidas ata o momento, informaron da constitución da Plataforma como asociación e acordaron establecer unha cota anual en proporción á superficie de cada propietario. O próximo sábado irán a Santiago para participar na constitución da Coordinadora de Plataformas de Galicia, que ten como finalidade conseguir a retirada do Plan de Solo Residencial promovido pola Xunta.

Como movilizacións máis próximas, anunciaron outra concentración diante do Concello de Carballo o vindeiro luns, día 26, ás 7:30 da tarde; e tamén colocarán varias pancartas alusivas en distintos puntos de Carballo, unha precisamente cerca da Casa San Ramón, onde tanto tempo estivo a famosa da “autovía gratuita”. ¿Mandarallas retirar Evencio, agora que xa non é el o que as coloca?

Seguir lendo...

Aclaracións da Plataforma da Lagoa

(Fonte do audio: Anosacosta.com)

O voceiro da Plataforma, Ramón Varela Puñal, fai na súa web a seguinte aclaración sobre a súa intervención no Pleno do pasado xoves:

a) A posición da Plataforma da Lagoa non variou, e eu, por suposto, tampouco, o posicionamento a respecto da negatividade do Plano Sectorial do Solo Residencial para o emprazamento de Carballo, como quedou manifesto na valoración provisional que fixemos do citado Pleno, no día de onte. Por tanto sostemos, que É NEGATIVO PARA CARBALLO E INXUSTO PARA COS PROPIETARIOS. Como intuiamos que as demais intervencións deixarían claro que o Plano é negativo para Carballo, nós centrámonos en expoñer que é inxusto para cos propietarios, e, se, en última instancia, nos obrigasen a tragalo, sen o noso consentimento, queremos que nos paguen un prezo xusto. Evidentemente, consideramos que debemos tomar as medidas ao noso alcanzo para parar este atropelo.

b) Creo que temos que centrarnos na petición da retirada do Plano Sectorial e na reclamación de que nos deixen desenvolver o PXOM aos afectados, someténdonos ás condicións legais ao respecto, que xa reservan para vivenda protexida o 40 por cento do ámbito, alén de ter que donar gratuitamente o terreno destinado a viais, zonas verdes, o 10 por cento para o Concello, etc.., gravames xa moi elevados, que a propiedade ten que soportar.

(Ó noso entender despois de ver o Pleno en BERTV, esta aclaración pode ter como finalidade neutralizar o intento do alcalde de utilizar ó seu favor as últimas palabras da intervención no pleno do voceiro da Plataforma, cando veu decir que non estaban contra o Plan pero si de que se fixese a custa dos propietarios, respostando o alcalde que, nesa liña, el estaba dacordo con esas palabras e que trataría de conseguir o mellor prezo para os terreos. Agora Ramón Varela aclara a postura da Plataforma: ademáis de ser inxusto para cos propietarios, tamén están contra o Plan porque é negativo para Carballo e piden a súa retirada)

Seguir lendo...

Valoración do Pleno de onte

(Foto xentileza de Anosacosta.es: Ramón Varela, voceiro da Plataforma da Lagoa)

A Plataforma da Lagoa fainos chegar a súa valoración do Pleno celebrado onte no Concello de Carballo:

Unhas duascentas cincuenta persoas, maioritariamente propietarios afectados polas expropiacións da Agra da Lagoa, asistiron ao Pleno celebrado o día 15 de xaneiro de 2009, no que puidemos expoñer o noso punto de vista persoalmente nunha intervención que se prolongou durante uns 15 minutos aproximadamente. Consideramos que este feito foi positivo porque nos permitiu aclarar ante os propios propietarios, primeiros destinatarios da mensaxe que intentamos transmitir, a espoliación a que se nos pretende someter. Ofrécennos uns prezos que agora todo o mundo recoñece que son irrisorios e increméntase, por razóns non aclaradas nin xustificadas, os prezos da urbanización do solo ate límites escandalosos. Isto creo que quedou claro.

Cremos que tamén quedou claro que non está xustificado, nin no aspecto económico nin no aspecto social, este Plano Sectorial, que a Consellaría de Vivenda e Solo nos quere meter con calzador, valéndose dun aliado fiel e acrítico, como é o Goberno Municipal de Carballo. Non está xustificado no aspecto económico, porque inxectará enormes somas de diñeiro nun sector en recesión que ten supersaturación de vivendas, un escaso dinamismo, e pouca proxección de futuro, porque este non se pode asentar sobre o ladrillo, e dificultará a venda de vivendas que os promotores non dan vendido. Por outra parte, as empresas que gañen os concursos serán foráneos e os locais verán mermadas as súas posibilidades de facer negocio. Tampouco o está no aspecto social, porque non hai real demanda de vivenda na vila de Carballo, aínda que si nas áreas das grandes cidades galegas, e, por outra parte, non poderá evitar que se asenten en Carballo persoas de dubidosa reputación. Parece que a única xustificación que lle encontra o Goberno municipal é investir unha cantidade importante de diñeiro que a Consellaría de Vivenda está disposta a investir onde encontre candidatos que a acepten, sen pararse a pensar nin por un momento na posibilidade de desviar esas somas de diñeiro para sectores con moita máis proxección de futuro.

Igualmente quedou patente que, aínda a nivel do ladrillo, hai outras posibilidades, como a construción en térrenos dos que xa é propietario o Concello, e que podían utilizarse con esta finalidade.

O Goberno municipal demostrou que carece de razóns fundamentadas para oporse ás argumentacións dos propietarios e perdeuse en vaguedades e lugares comúns para salvar o tipo. Por outra parte, tamén carece de calquera soberanía á hora de abordar solucións ao contencioso cos propietarios, o cal significa que as apelacións a que loitarán por un prezo xusto, que non imos ser roubados, propostas de colaboración, etc.. son totalmente vacuas e un puro brinde ao sol, porque será a propia Consellaría quen tomará todas as decisións e eles serán comparsas que dirán amén ao que se lles apresente.

O resultado era o esperado e o propio Ramón Varela Puñal o adiantou xa pola mañá dese día nunha entrevista a unha emisora de radio da localidade de Carballo, porque estas decisións tómanse seguindo a disciplina de partido e non obedecendo a razóns, por moi fundamentadas que estas sexan. Con todo, sorprende que non se desen un compás de espera antes de asumir un Plano que, a nivel técnico é unha enorme chapuza, e a nivel de efectividade, unha mera declaración de intencións, á parte das icongruencias nos prezos ofrecidos aos propietarios –infumábeis-, e a inflación dos gastos de urbanización.

Seguir lendo...

Crónica dun pleno estelar

En CD levamos dende os inicios da nosa andaina informando na medida do posible sobre canto acontece nos plenos do Concello de Carballo. A aparición de BERTV e a súa iniciativa de retransmitir íntegramente estes actos ofreciunos ademais a posibilidade de ampliar a visión limitada e en ocasións mediatizada que proporcionaba a prensa local.

E dun tempo a esta parte, ese gran proxecto que é anosacosta.com ofrécenos unha cara máis de canto acontece no salón de plenos municipal con abundante material gráfico (como a foto que ilustra este post) e mesmo acceso a cortes de sonido. No caso de hoxe, ademais, estamos a falar do pleno máis importante, cando menos en canto a público e expectación, dos últimos anos en Carballo. Trátase do pleno extraordinario celebrado na tarde noite de onte a iniciativa do PP para tratar sobre o polémico Plan da Consellería de Vivenda para a Agra da Lagoa. Ante un público de máis de 200 persoas, na súa maioría propietarios afectados, que en ocasións interrumpiron a sesión con aplausos para a oposición e abucheos para o goberno, os grupos de BNG e PSOE impediron a iniciativa popular, secundada por Terra Galega, de rexeitar o controvertido plan.

Esta mañá, nos micrófonos de Radiovoz Bergantiños, algúns dos protagonistas facían repaso do acontecido. José Antonio Viña reiteraba os seus argumentos e recalcaba a falta de fundamento do rumor relativo a Penamoa. Pola súa banda Alberto Sueiro destacaba que as boas intencións do alcalde relativas ós prezos e ás vivendas afectadas son papel mollado porque non teñen constancia por escrito. Aínda o contrario, as alegacións presentadas polo goberno local van no sentido de aumentar máis o ámbito da expropiación.

Para os que queiran ver e oir o que se dixo no Pleno de onte, hoxe á noite será transmitido por BERTV, coma de cote. Así poderemos comprobar se o que pasou é o que reflicte a crónica rosa de La Voz Defensora de la Gestión Execelente ou o que relata anosacosta.com.

Seguir lendo...

La Xunta se echa al monte

Esquema del conflicto vecinal tipo:

Primer paso: Un gobierno decide llevar a cabo un proyecto. Lo hace público. Los vecinos afectados se informan y resulta no ser de su agrado. Se reúnen, conforma una pequeña organización y le hacen saber al gobierno su oposición al proyecto. El gobierno se ve ante la disyuntiva de renunciar a su proyecto o ganarse la enemistad y la movilización de los vecinos. Si decide echarse atrás, historia terminada. Si decide seguir adelante, continuamos al segundo paso.

Segundo paso: ante el conflicto generado el gobierno tira por el camino del medio, intenta ser diplomático y hacer ver a los vecinos que lo han entendido mal, y que realmente su proyecto no tiene nada de malo para ellos. Si los vecinos ven que es así o tragan con las explicaciones, historia terminada, al menos durante un tiempo. Si los vecinos no tragan, continuamos al tercer paso.

Tercer paso: considerando que el gobierno ya ha decidido tirar para adelante y que echarse atrás podría dejarlo en muy mal lugar, y considerando que los vecinos ya han escuchado lo que tenían que escuchar, el siguiente recurso es la negociación, renunciar a parte del proyecto o buscar una compensación que los vecinos asuman como un mal menor. Si los vecinos aceptan la negociación, historia terminada, aunque con un coste importante para ambas partes. Si no se llega a un acuerdo, continuamos al cuarto paso.

Cuarto paso: agotadas todas las vías sin acuerdo alguno, al gobierno sólo le queda una decisión que tomar: echarse atrás a última hora para evitar la guerra, o imponer su proyecto a la fuerza. Esto último puede hacerse de dos maneras, ignorando a los vecinos y asumiendo el coste de votos que va a sufrir, o bien lanzando un ataque mediático para desacreditarlos.

Este esquema, que podría ser aplicado a la multitud de conflictos vecinales que hemos vivido en la historia democrática de España, también se está reproduciendo en el caso del Plan de Vivenda de la Xunta y la Plataforma de afectados del Agra da Lagoa. Y en la jornada de ayer LVDGE (que en este asunto está siendo más Defensora de la Gestión Excelente que nunca) nos deparaba una nueva entrega que sitúa el conflicto ya en sus últimos pasos, concretamente entre el tercero y el cuarto. Porque por una parte la Consellería lanza una serie de ofertas a los vecinos, y por otra desentierra el hacha de guerra. Por una parte afirma que va a ofrecer a los propietarios la oportunidad de participar en el desarrollo del suelo y que garantiza que la oferta para la compra de terrenos será a precio justo y "de mercado", pero "non especulativo" (esto sin concretar cifras), y que se podrá permutar suelo bruto por urbanizado. Pero por otra parte los cerebros más marxistas de la consellería han también decidido tomar el camino de la estrella roja que preside la bandera de su partido con el típico discurso de ricos contra pobres, amén de la habitual acusación de politización: "unha minoría que posúe bolsas de solo cunha superficie de ata 7.000 metros cadrados e maioría dos donos cunha superficie media que non supera os 500 metros cadrados". En este sentido, la consellería "teme" que un "pequeno grupo" de afectados "estea tentando politizar o Plan Sectorial utilizando falsos argumentos e orixinando unha alarma inxustificada, en lugar de tentar chegar a un consenso co Goberno galego. Só así se explica que se acuse á consellería de pretender facer realoxos encubertos de chabolistas na Lagoa, ou trasladar a idea de que se vai pagar un prezo ruinoso polo solo, ou se fale de electoralismo repetindo argumentos esgrimidos polo PP pese a ser falsos".

Así que ya ven, las malvados ricos (por supuesto con la connivencia del PP) impidiendo el progreso de los pobres. A las barricadas, arriba los pobres del mundo, y hasta la victoria siempre, camaradas... Que se vayan preparando los amigos de Even... perdón, los ricos de Carballo.

Seguir lendo...

Qué esperaban?

O voceiro da Plataforma da Lagoa, Ramón Varela, envíanos un resumo da reunión celebrada onte na Coruña co Delegado provincial de Vivenda, Xoán Carlos Bascuas (BNG) e (sorpresa) cos concelleiros carballeses Luís Lamas (BNG) e José Antonio Viña (PSOE) (cos quea Plataforma non solicitara reunirse, pois xa tivera antes dúas reunións co goberno municipal).

A nota de prensa califica a reunión de “franca, mais decepcionante”. ¿É que esperaban outra cousa?

Esta é a nota íntegra (en cor vermello, as nosas acotacións):

“O mércores, día 7/01/09, os membros da Plataforma foron recibidos polo Delegado Provincial da Coruña da Consellería de Vivenda e Solo, Sr. Bascuas, nunha longa reunión que se prolongou por espazo de catro horas, reunión que podemos calificar de franca mais decepcionante. Asistiron á reunión, alén dos sete membros da Plataforma, o técnico de Idom, Don Jesús Manuel Regueiro e os Concelleiros do Concello de Carballo, Don Luís Lamas e Don José Antonio Viña. [Que, por certo, non foran invitados á reunión] O Sr. Delegado, en comparsa cos concelleiros, pretendeu facer de flautista de Hamelin, mais con unha flauta desafinada, que, en vez de atraer as ratas, asustáas. Ten que vender un produto desvalorizado que ninguén quere, e ten que utilizar malabarismos dialécticos para conseguilo, sen convencer a ninguén.

Os membros da Plataforma presentáronse como propietarios individuais e representantes dos demais propietarios, aos que perciben como moi enfadados polo proceso de expropiación posto en marcha pola Consellaría de Vivenda e Solo da Xunta de Galicia, previa proposta do Concello de Carballo, que sinalou o lugar de ubicación do Plano Sectorial, e, por tanto, a quen e onde había que expropiar [sen consultalo con ninguén e sen información pública, todo hai que decilo. Nembargantes, cando o alcalde fai algunha xestión, por pequena que sexa, vai co seu periodista de cabeceira, e enterámonos puntualmente, vía LDGE. Por qué o alcalde non informou tamén neste caso?]. A extensión de terreno ocupada polo Plano Sectorial sería... de 96.000 m2, e como os propietarios se calculan nuns 200, cada un deles ten unha media de terreno de menos de 500 m2. Estes pequenos propietarios, modestos na súa grande maioría, e que, en moitos casos non alcanzan os 400 euros de retribución salarial mensual, poden verse obrigados a subvencionar a adquisición de vivenda a persoas que poden chegar a cobrar 3.300 euros, ou sexa, unhas quince veces máis, extremo que parece a todas luces inxusto. Tamén se incide, por parte dos expropiandos, en que a Agra da Lagoa pode converterse nunha zona de aloxamento de persoas marxinais, como poden ser drogaditos, revivindo o caso de Penamoa, pois hai un número significativo de vivendas reservadas para este tipo de integración social. [¿Terá algo que ver o Plan de Vivenda cos rumores que circularon o verán pasado que apuntaban no realoxo en Carballo de chabolistas de Penamoa?]

Consideran os membros da Plataforma que a propiedade xa está sobrecastigada polas cargas urbanística de urbanización, cesión para sistemas xerais, reserva do 40 por cento para vivenda protexida, cesión gratuíta tamén do 10 por cento, que se incrementa no caso de Carballo polas cesións que tiveron que facer na franxa da beira do río, e agora as expropiacións para a Cidade Deportiva e para o Plano Sectorial Galego de Solo Residencial. Insisten unha e outra vez ante o Delegado en que as expropiacións non son a solución axeitada, e que se debía sondar previamente outras vías. Reitéranlle as propostas que lle foron transmitidas o Alcalde de Carballo na reunión do 18/12/08, que son as seguintes:

1ª.- Buscar outras alternativas

2ª.- Recorrer a propietarios voluntarios que oferten os terrenos.

3ª.- Que se edifique en terrenos municipais, posto que xa está previsto que no PXOM hai que reservar un 40 por cento para vivenda protexida.

4ª.- Que sexan os propietarios os que desenvolvan o Plano previsto para a zona no PXOM, constituíndose en Xunta de Compensación.

5ª.- Diseminar a urbanización por varios ámbitos, con obxecto de que non sexan uns poucos propietarios os que suporten todo o peso económico do Proxecto [ou sexa, perxudicar a outros. Mal vai a Pataforma se esa é a súa opción. Con propostas deste tipo, o que van conseguir é perder o apoio da xente que hoxe non é afectada pero mañán pode selo].

O Delegado responde que o que se propón no punto 4º non é o Plano Sectorial e que por lei teñen que ir á expropiación. Alega tamén que iso atrasaría moito os prazos, pois habería que pedir moitos informes: Medio Ambiente, Augas de Galicia, etc. etc., até 14 informes distintos, e que a Xunta cando lanza un Plano Sectorial xa dispón de todos eses informes. Parece dar a supoñer o Delegado que a expropiación é coser e cantar e que se fai en menos que canta un galo. Os propietarios retrucan que a Administración non veu dando, desde logo, mostras de celeridade precisamente nos Polígonos que asumiu voluntariamente desenvolver en Carballo, pois practicamente todos os que se comprometeu a desenvolver, como son o 17, 49, etc. quedaron abocados ao fracaso, mentres que moitos daqueles nos que os propietarios se constituíron en Xunta de Compensación foron adiante. O Delegado precisa que esa intervención por Xunta de Compensación pode deixar fóra ao 49 por cento dos propietarios. Mais esta apreciación non foi compartida polos propietarios pois nos Polígonos que se desenvolveron, practicamente todos se adheriron e os que ficaron fóra foi porque quixeron. Por outra parte, o Plano Sectorial non deixa fóra ao 49 por cento senón ao cen por cento [esto é tan evidente que parece mentira que o Delegado utilice argumentos tan falaces], pois o sentir dos propietarios é unánime en canto ao rexeitamento do Plano e das expropiacións previstas nel. O Delegado intenta suavizar as cousas afirmando que a ninguén se lle comunicara unha expropiación, mais fáiselle ver que ese é o mecanismo previsto no Plano. [Non é posible… ¿un político do BNG intentando enganar ós veciños?] Por outra parte, insisten unha e outra vez os afectados pola expropiación, en que a constitución en Xunta de Compensación é unha opción que se debía explorar e que eles se comprometían a desenvolver o Proxecto en tempo moi breve, aínda que non poden dar un prazo moi concreto porque tamén depende dos obstáculos que lle poña a Administración local e a colaboración que estea disposta a ofrecer a Autonómica. Ademais, eses informes preceptivos que di que fan falta non teñen porque tardar máis se os pide a Administración ou se o fan os interesados, sempre que exista vontade de colaboración.

A diseminación por outros ámbitos tampouco foi aceptada, porque saben que o seu produto non se vende en ningunha parte e que recibiría o mesmo rexeitamento, de aí a súa pretensión de impoñelo, expoliando uns terrenos que lle gustan. O Concelleiro, Sr. Lamas afirma que todas as medidas que propoñemos resúmense en non ao Plano Sectorial [¿é malo decir que non a algo que é prexudicial?], mais retrúcaselle que non se di non ao Plano Sectorial senón ao que se di non a este Plano Sectorial na Agra da Lagoa e nesas condicións.

O técnico de Idom recoñece que as infraestruturas previstas no Plano Sectorial están sobredimensionadas e os prezos dos terrenos infradimensionados. Os propietarios pregúntanlle que credibilidade merece ese Plano cando os mesmos que o propoñen teñen que recoñecer que o prezo fixado é moi elevado para os gastos de urbanización (uns nove millóns de euros) que os propietarios deben asumir, e moi baixo para os prezos que a Administración considera que debe abonar aos mesmos propietarios (Menos de cinco millóns de euros). Alén diso, faíselle ver a incongruencia que representa que el mesmo que asumiu e presentou eses prezos aos propietarios, nin sequera fose ver os terrenos.

No caso que nos ocupa, os propietarios terían que desenvolver unhas infraestruturas tan sobredimensionadas que faría que o que poderían recibir polos terrenos unha vez pagadas esas infraestruturas a conta deles, sería unha cantidade moi reducida. O Delegado afirma que a Xunta é quen pon o diñeiro da Urbanización, mais fáiselle a precisión de que a Xunta o fai cargándolle ese custo aos donos dos terrenos e, por conseguinte, a Xunta non pon diñeiro ningún. Quen carga con todo o pato, son os propietarios.

Intervén o Delegado para precisar que outra vía para incrementar os prezos é incrementar a vivenda libre [Esto demostra a inconsistencia do Plan de Vivenda que propón a Xunta: non saben o que queren. ¿Non quedamos en que o Plan tiña por obxecto facer vivenda protexida? Qué sentido ten facer máis vivendas libres en Carballo, coas que xa hai agora valeiras?], mais non chegou a precisar canto se podería incrementar esta partida. Os afectados consideran que non é lóxico que se lle ofrezan ao propietarios de Carballo 49 euros por m2 de terreno e aos de Ribeira, 78, por uns predios que son peores. O Sr. Viña recoñece que os de Carballo si son mellores, e que son uns terrenos que lle gustaron ao Equipo de Goberno municipal [se alguen andaba investigando quen fora o culpable do desaguisado, que non busque máis: o maiordomo delatouse]. A isto retrucan os propietarios, que iso tamén ten un prezo económico que habería que ter en conta.

A solución ofrecida por Don Jesús Manuel Regueiro, técnico de Idom, consiste en rebaixar os prezos da urbanización e o diñeiro aforrado por ese concepto destinalo a incrementar o prezo de venda dos terrenos, nunha cabriola que parece de acordeón, e que, segundo interese, se fai alargar ou encoller no sentido que interesa [o que volve a demostrar a trapallada que é todo o Plan de vivenda. ¿Así é como se fan as cousas nesta Xunta de sainete?]. Non parece moi seria esta solución, pois habería que preguntarse porque se fixou ese sobreprezo e que vai pasar agora: vaise facer peor a urbanización? Cales foron as razóns desa inflación dos prezos da urbanización? Por outra parte, a repercusión que pode ter nos propietarios é escasa, pois fálase de vinte a trinta euros por metro cadrado.

O Delegado asenta como irrenunciábel de que non poderemos desenvolver nós sós o citado Plano e que o farían eles exclusivamente ou en todo caso conxuntamente. Mais preguntóuselle en que consistiría ese desenvolvemento conxunto, e respondeu que a nosa participación sería negociar co Concello para ver como queda a nosa parcela, e, se for posíbel, mellorala, o cal parece ser unha burla, pois a participación de A (Administración) con B (propietarios), consistiría en que B negociase con C. Boa maneira de entener a participación.

Preguntóuselle se estaría disposto a aceptar que os propietarios tivesen un papel determinante ou, polo menos relevante nas decisións que concirnen ao desenvolvemento do Plano e dixo que non.

As medidas presentadas polo Delegado foron:

a) Permitir que queden nas vivendas os que residen nelas, medida que xa tiñan pensado tomar de todas maneiras.

b) Revisar o custo da urbanización e o prezo ofertado aos veciños. Esta promesa é insatisfactorias porque é unha promesa sen apoio ningún e porque non está cuantificada e pode quedar nunha cantidade irrisoria.

Condicionado a un acordo previo:
c) Incrementar a edificabilidade até o máximo permitido legalmente, que na actualidade é de 0,772 metros por metro cadrado de terreno e falaron que podía chegar ao 0,80.
d) Chegar a un acordo cando se faga o Proxecto de Urbanización. Mais o acordo para nós resumiríase en dicir amén ao que eles nos presentasen. A situación resumiuna un propietario dicindo que agora a xente ten que saber que gobernan os comunistas [vaia novidade: ¿e logo qué é a UPG? ¿socialdemócrata, poño por caso?].

Por último, intentamos sondar que posibilidades nos ofrecía a Administración, se decidísemos vender as nosas parcelas ante o atropelo que se nos vén acima. Dixéronnos que se presentabamos sete transacción de compra-venda realizadas nos tres últimos anos en Carballo en zonas similares, intentarían chegar á media do prezo de transacción tamén para estes terrenos.

A falta de oferta de alternativas serias por parte da Delegación obedece a que non ten capacidade de manobra, porque todo lle vén dado e ten que someterse ao guión que outros lle escriben. De aí o seu discurso ríxido e inflexible”.


(A Plataforma lémbranos que mañá venres, ás 12 horas, habrá unha concentración na Praza, diante do Concello, á que invitar a tódolos veciños de Carballo, "porque poden encontrarse nunha situación similar")

Seguir lendo...

O Delegado de Vivenda recibe hoxe á Plataforma da Lagoa

Segundo nos informou o voceiro, Ramón Varela, o Delegado provincial da Consellería de Vivenda e Solo, Xoán Carlos Bascuas, recibirá ós representantes da Plataforma da Lagoa. A reunión será hoxe ás 6 da tarde, na Delegación provincial da Coruña, atendendo así a petición que lle fixeron o pasado día 2.

Os afectados esperan que o Delegado “mostre cos veciños de Carballo, afectados pola expropiación dos seus terrenos, a mesma sensibilidade que mostrou cos veciños de Ribeira, e que non pretendan obsequiarnos con un ´trágala´".

En principio, parece boa cousa que sexan recibidos polo representante da Xunta, pero os propietarios desconfían: “Non debemos abrigar falsas expectativas desta visita, porque a visita non surxiu dunha iniciativa do Delegado, senón da propia Plataforma, e pode que só pretenda gardar as formas e quizais tamén procurar a desmobilización dos propietarios da Agra da Lagoa”. (Seguramente non irán moi desencamiñados).

E pasado mañán, venres día 9, ás 12 da mañán, os afectados concentraranse ante o Concello de Carballo, para o que invitan a tódolos veciños, "especialmente a todos aqueles que se verán negativamente afectados polo Plano Sectorial de Solo Residencial: constructores, inmobiliarias, arquitectos, aparelladores, propietarios de solo edificábel doutras zonas do Concello, etc. ".

A Plataforma considera que “a expropiación non é o camiño axeitado”, que se debe “ter en conta aos veciños afectados, que non deben ser os sacrificados para que outros fagan negocio ou consigan réditos electorais á súa custa” e que “debe haber unha reflexión serena e pausada sobre se Carballo necesita esa macrourbanización, que implica desviar enormes cantidades de recursos para unha actividade na que existe unha saturacióón na oferta, como o demostra os 5.000 pisos vacíos e a caída dos prezos no Concello de Carballo, uns dos máis baixos do Estado.” En todo caso, rexeitan “que as cousas se fagan dun xeito agresivo e expoliador cos propietarios”.

Seguir lendo...